Deputetja e Lidhjes Demokratike të Kosovës, Doarsa Kica – Xhelili ka thënë se nuk kanë të drejtë ta ndryshojnë formën e votimit nga e hapura në të fshehtë, në mes të procesit.

Me anë të një postimi në Facebook, Kica-Xhelili theksoi se një gjë të tillë praktika parlamentare nuk e legjitimon, përcjell Arbresh.info.

Postim i plotë:

JO – nuk kanë të drejtë t’a ndryshojnë formën e votimit nga e hapura në të fshehtë, në MES të procesit. Praktika parlamentare nuk e legjitimon këtë.

Referenca e Kushtetutës në Rregulloren e Kuvendit është një kërkesë imperative, e cila bën që Rregullorja e Kuvendit të ketë fuqi normative. Ajo nuk është vetëm një akt i brendshëm, por një normë ndihmëse kushtetuese për procedurën e zgjedhjes së Kryetarit.

Se Rregullorja e Kuvendit përcakton standardin e mekanizmave procedural e ka konfirmuar vet Gjykata Kushtetuese pikërisht në lëndën në të cilën po thirret pushteti.

Më saktë, paragrafi 106 po aty, qartëson se derisa Kushtetuta shërben për krijimin e bazamentit strukturorë, Rregullorja e Punës shërben si mekanizëm procedural për implementimin e dispozitave kushtetuese – që nënkupton përcaktimin e formës së votimit.

E Rregullorja e Punës e Kuvendit të Kosovës – e aq më shumë praktika parlamentare, nuk lejon ndryshimin arbitrar të metodës së votimit pas fillimit të procesit të votimit.

E kur e mendon – ju po thirreni në praktikë të Gjykatës Kushtetuese a?

Po silleni si hipokritë, bllokues, propagandues dhe plotësisht të papërgjegjshëm./Arbresh.info